Italiano
Inglese
Na Sicilia mai cuntata
Facemu canùsciri i cosi novi da Sicilia
SiciliaInnova è u spazziu unni storia e usanzi s'ancòntrinu cu l’innovazione, pi criàri novi rilazioni e jùnciri i biddizzi da Sicilia.
Cu semu
Semu na ruppata ca crìri nda fozza da Sicilia: vulèmu fari canùsciri a nostra terra pi cuntàri na storia nova.
Chi facemu
Ammiscàmu tradiziuni e innovaziuni pi dari valùri ai biddizzi do passatu e do presenti da Sicilia. Vulèmu criàri novi opportunità di crìscita ndo nostru territoriu.

Facemu riti di cosi novi
Juncèmu u territoriu oganizzannu 'ncontri pi strìnjiri riti di canuscènzi e puttàri idee novi nda bedda Sicilia.

Chiantàmu radici fotti
Vulemu òffriri novi spazzi p'arrusbigghiari a creatività e u'ncegnu dei carusi siciliani pi 'nvintari novi progetti.

Puttàmu avanti a terra
Vi cuntàmu na Sicilia mai cuntàta, unni biddìzza, arte e puisìa putissiru turnàri, ssi truvassimu semi boni di chiantàri.
Chi sensu avi
A nostra casa n'abbrazza e ni vasa
SiciliaInnova pìgghia tutta la bedd'anima ra Sicilia pi chiantàri canuscènze ca ìsunu u valùri da nostra terra, rumpennu a luntananza do corpu e dill'anima.

Si pi paura di corvi nun si semina linùsa, nun putìssimu aviri 'a cammìsa
Terra nìura runa bonu pani, terra janca prestu stanca. Vulemu ca i nostri figghi si stèssinu cà, pi criàri novi occasiuni di crìscita nda sta bedd'isola.

Aceddu nda l'aggia nun canta p'amùri, ma pi ràggia
SiciliaiInnova offri novi stradi ca rumpunu i tradizioni pi fari aria ai novi 'ncegni da Sicilia.

Facemu ruppu
I mègghiu parenti su i spaddi
Pi canciàri n'ama junciri tutti pari assemi. Pi iri luntanu ama sfruttari a nostra forza e jessiri na cosa sula.
Chi sta aspittannu? Ajutamuni!
I chiacchiri su chiacchiri, ma i maccarruna inchinu a panza
Facemu addivintàri a Sicilia nu còri di cultura e 'ncegnu. Veni cu nuàuttri pi criàri na strada nova pi crìsciri.
Accumìncia macàri tu: facemu ruppu!
Ma picchì?
Chi t'aj fari sapìri
Avemu biddizzi ca n'ammiria tuttu u munnu. Pi chistu vulissimu fari 'ncontri pi esplorari e canusciri cosi novi.
Chi t'aj cuntari
Di ca passànu tutti pari, pattennu dai Turchi p'arruvàri ai Normanni. Semu chini di usanzi ca vulèmu canùsciri e cuntàri.
'Ncegnu
Pattènnu de ditti ca pòttunu avanti sta bedd'isola, juncèmu chiddi novi, pi cumpètiri cu l'Italia e cu tuttu munnu.
Sintemuni
Pigghiàmuni 'n cafè! Scrìvini pi pigghiàri 'n appuntamentu.
Scrivini: info@siciliainnova.com
Chiamini: 095-6768540
Veni: Via Antonino di S. Giuliano 197, primo piano, Catania